وزیراعلیٰ پنجاب دا ناراضی مٹاؤ مشن کامیاب، ہم خیال گروپ دا قیادت تے اظہار اعتماد

لہور: وزیراعلیٰ پنجاب رُسیاں دے گلے شکوے دور کرن وچ کامیاب ہو گئے، ہم خیال گروپ نے سردار عثمان بزدار دی قیادت تے مکمل اعتماد دا اظہار کر دتا۔ وزیراعلیٰ پنجاب نال پارٹی دے ہم خیال گروپ دی ملاقات دی اندرونی کہانی منظرعام تے آ گئی۔ سردار عثمان بزدار نے ارکان اسمبلی نوں اوہناں دے جائز کماں دے حل دی پوری یقین دہانی کرا دتی۔ اوہناں آکھیا ارکان اسمبلی سر دا تاج نیں، اوہناں دے جائز کماں وچ رکاوٹ برداشت نہیں کراں گا، کورونا دی وجہ توں صوبے نوں معاشی طور تے سست صورتحال دا ساہمنا اے، پوری کوشش اے پارٹی دے ارکان اسمبلی دے حلقیاں دے مسئلیاں نوں ترجیحی بنیاداں تے حل کیتا جائے۔ عثمان بزدار نال پچھلے دیہاڑ غضنفر عباس چھینہ، سردار شہاب الدین، سردار محی الدین، اعجاز خان، اعجاز حسین، عامر عنایت شاہانی، غلام علی اصغر خان، کرنل (ر)غضنفر عباس شاہ، تیمور علی لالی، بلال اصغر، احسن جہانگیر تے گلریز افضل گوندل نے ملاقات کیتی جہدے وچ ہم خیال گروپ نے اپنے شکوے شکایتاں کیتیاں۔ خواجہ داؤد سلیمانی نے مبینہ آڈیوتوں لاتعلقی دا اظہار کر دت