موٹر وے پولیس نے 22 لکھ روپے مالیت دے سونے دے زیورات مالک تیکر پہنچا دتے
موٹر وے پولیس نے ایمانداری دی اعلیٰ مثال قائم کردیاں ہویاں 22 لکھ روپے مالیت دے سونے دے زیورات مالک تیکر پہنچا دتے۔
ترجمان موٹر وے پولیس دے مطابق گوادر دے نیڑے دورانِ پیٹرولنگ موٹر وے پولیس افسراں نوں اک بیگ سڑک توں لبھیا، بیگ وچ 22 لکھ روپے مالیت دے بیش قیمتی زیورات تے ہور سامان موجود سی۔
ایہ وی پڑھو:
- ایمانداری دی اعلیٰ مثال، ریلوے پولیس نے مسافر دے 38 لکھ روپے واپس کر دتے
- ریلوے پولیس نے مسافر نوں نقدی تے قیمتی سامان والا گواچیا بیگ موڑ دتا
ترجمان نے دَسیا کہ موٹر وے پولیس نے سوشل میڈیا تے مقامی ذرائع توں مالک نوں لبھیا تے فیر قانونی و تصدیقی مرحلیاں توں بعد قیمتی سامان مالک دے حوالے (سپرد) کر دتا۔ ترجمان موٹر وے پولیس دے مطابق سفر دے دوران بیگ سڑک اتے ڈگ پیا سی جیہدا مالک نوں پتا وی نہ لگ سکیا۔
