2017 توں ہن تیکر وزرائے اعظم دے ہیلی کاپٹر دے استعمال تے اخراجات دیاں تفصیلاں جاری کرن دا حکم
اسلام آباد: پاکستان انفارمیشن کمیشن نے وزیراعظم دے ہیلی کاپٹر دے استعمال تے اخراجات دیاں تفصیلاں جاری کرن دا حکم دے دتا اے۔
پاکستان انفارمیشن کمیشن نے 2017 توں ہن تیکر پروازاں، ایندھن (تیل)، مرمت تے عملے دا پورا ریکارڈ 10 دناں وچ منگ لیا۔
ایہ وی پڑھو:
- وزیراعظم نے وفاقی حکومت دے اخراجات گھٹ کرن لئی کمیٹی بنا دتی
- وزیراعظم نے سربراہانِ مملکت دے اخراجات متھن لئی بل لیاؤن دی ہدایت کر دتی
کمیشن نے وفاقی حکومت ولوں قومی سلامتی تے قانونی استثنیٰ دی بنیاد اتے معلومات روکن دے مؤقف نوں ردّ کر دتا۔ پاکستان انفارمیشن کمیشن دا کہنا سی کہ منگیاں گئیاں معلومات نہ تے دفاعی نوعیت دیاں نیں تے نہ ہی اوہناں دا تعلق کسی ایہو جہی حساس معلومات نال اے۔
