“سکواش چیمپئن شپ: پاکستان نے بھارت نوں ہرا کے کوارٹر فائنل وچ جگہ بنا لئی”
سراوک: (ویب ڈیسک) ملائیشیا دی ریاست سراوک وچ جاری ایشین ڈبلز سکواش چیمپئن شپ وچ پاکستانی ٹیم نے بھارت نوں ہرا کے کوارٹر فائنل وچ جگہ بنا لئی اے۔
تیجی ایشین ڈبلز سکواش چیمپئن شپ 2026 وچ پاکستان ولوں نور زمان تے ناصر اقبال نے بھارت دے راہول بیتھا تے سورج کمار چند نوں 0-2 توں شکست دے دتی۔
آخری پول میچ وچ پاکستانی جوڑی نور زمان تے ناصر اقبال نے 24 منٹاں وچ 5-11 تے 9-11 توں کامیابی حاصل کیتی۔
پاکستان دی نمائندگی کرن والی دوجی جوڑی محمد حمزہ خان تے محمد عاصم خان نے ہانگ کانگ دی جوڑی نوں 0-2 توں ہرایا۔ محمد حمزہ خان تے محمد عاصم خان نے 26 منٹاں وچ 3-11 تے 9-11 توں فتح اپنے ناں کیتی۔
واضح رہے کہ ایشین ڈبلز سکواش چیمپئن شپ دے پول مرحلے دے مقابلے پورے ہو گئے نے تے پاکستان دیاں دوویں ٹیماں نے کوارٹر فائنل لئی کوالیفائی کر لیا اے۔
