افغان حکومت دا کے پی تے بلوچستان وچ مبینہ داعش کیمپاں نوں ڈرونز نال نشانہ بناؤن دا پروپیگنڈا
اسلام آباد: وزارتِ اطلاعات تے نشریات نے آکھیا اے پئی افغان حکومت ولوں کے پی تے بلوچستان وچ مبینہ داعش کیمپاں نوں ڈرونز نال نشانہ بناؤن دا پروپیگنڈا ساہمنے آیا اے۔
وزارتِ اطلاعات دے مطابق افغان طالبان حکومت اپنے پروپیگنڈا ذرائع تے سرکاری بیانات راہیں دعویٰ کر رہی اے، تے ایہ دعویٰ ہمیشہ وانگوں غلط اے۔
ایہ بھی پڑھو:
- افغان طالبان حکومت دے ڈپٹی ترجمان دا بیان اپنیاں ہولناک کارروائیاں نوں لکاؤن دی ناکام کوشِش اے: وزارتِ اطلاعات
- دہشت گرد افغان طالبان حکومت نے شہریاں نوں نشانہ بناؤن دی کوشِش کر کے سرخ لکیر پار کر لئی اے: صدرِ مملکت
- افغانستان نے ہمیشہ دہشت گردی دی پِٹھ ٹھوکی (پشت پناہی کیتی) اے، افغان حکومت اتے ہور اتبار کرنا ٹھیک نہیں: وزیرِ دفاع
وزارت دے مطابق داعش سمیت درجنوں دہشت گرد تنظیماں دے کیمپ افغان حکومت دے قبضے والے (زیرِ کنٹرول) علاقیاں وچ نیں، ایہناں کیمپاں توں دہشت گرد تنظیماں نوں چلایا تے مدد دتی جاندی اے، اپنی سرپرستی وچ ہون والی دہشت گردی نوں لکاؤن لئی طالبان حکومت جھوٹھے تے گمراہ کرن والے بیان دیندی اے۔
وزارتِ اطلاعات دے مطابق طالبان حکومت دا اک گھٹ درجے دا ڈرون شِنکو خیبر دے نیڑے پاکستانی فضائی حدود وچ وڑیا، جیہنوں تُرت (فوری) پچھان کے پاک فضائیہ دے چوکنے فضائی دفاعی نظام نے کامیابی نال ناکارہ بنا دتا، سچ ہمیشہ جھوٹ اتے بھاری پیندا اے۔
