“سندھ وچ خسرہ دی وبا ودھ گئی، 53 بچے جان توں گئے”
کراچی: پورے سندھ وچ خسرہ دی وبا بڑی تیزی نال پھیل رہی اے، ایس سال صوبے وچ 2 ہزار توں ودھ بچے ایس بیماری دا شکار ہو چکے نیں جدوں کہ 53 بچے اپنی جان توں ہتھ دھو بیٹھے نیں۔
رپورٹ دے مطابق، سندھ وچ خسرہ دے پھیلاؤ نے صحت دے ماہرین نوں تشویش وچ پا دتا اے، بیماری توں بچن لئی حفاظتی ٹیکیاں دا ویلے سِر لگنا بہت ضروری اے۔
بچیاں دے بیماریاں دے ماہر (ماہرِ امراضِ اطفال) ڈاکٹر خالد شفیع نے دسیا کہ ایس سال پورے سندھ وچ خسرہ دے دو ہزار توں ودھ کیس سامنے آئے نیں جدوں کہ پورے ملک وچ خسرہ دی وجہ توں 96 بچیاں دی موت ہوئی، سندھ وچ جان توں جان والے 53 بچے خسرہ توں پیدا ہون والی دوجی پیچیدگیاں (بیماریاں) پاروں انتقال کر گئے۔
ڈاکٹراں دے مطابق صوبے وچ خسرہ پھیلن دی وڈی وجہ بچیاں نوں حفاظتی ٹیکے نہ لگوانا اے، خسرہ اک ایہوجیہی بیماری اے جیہدا علاج تے بچاؤ ممکن اے، پر احتیاط نہ کرن دی وجہ توں ایہ تیزی نال پھیل رہی اے۔ ماہرینِ صحت نے ماپیاں (والدین) اُتے زور دتا اے کہ اوہ اپنے بچیاں نوں حفاظتی ٹیکے لازمی لگوائیں تاکہ اوہناں نوں ایس خطرناک بیماری توں بچایا جا سکے۔
ایہ گل واضح رہے کہ خسرہ اک چھوت دی وبائی بیماری اے جیہڑی زیادہ تر بچیاں نوں گھیردی اے، نزلہ، زکام، کھانسی تے پنڈے (جسم) اُتے خارش ایہدی شروعاتی نشانیاں نیں، جدوں کہ بیماری ودھ جائے تے ایہ قوتِ مدافعت نوں بوہت نقصان پہنچاندی اے تے کئی واری جان لیوا وی ثابت ہو جاندی اے۔
