دفاتر ہفتے تے اتوار نوں کھلّن گے یا نہیں؟ اہم خبر آ گئی
فیڈرل بورڈ آف ریونیو (ایف بی آر) دے سارے دفاتر 27 تے 28 جون نوں کھلے رہن گے۔
ترجمان ایف بی آر دا کہنا اے کہ سارے دفاتر 27 تے 28 جون نوں معمول دے مطابق کم کرن گے، دفاتر 28 جون نوں رات 8 بجے تے 30 جون نوں رات 12 بجے تیکر کھلے رہن گے۔
ایف بی آر دے سارے ایل ٹی اوز، ایم ٹی اوز، سی ٹی اوز تے آر ٹی اوز 30 جون 2026 نوں ادھی رات تیکر ٹیکس وصولی دا عمل جاری رکھن گے۔
ایہ پڑھو: ایف بی آر نوں دو ہسیاں وچ ونڈیا جائے، ٹیکس معاملیاں دے ماہر آصف ہارون دی صلاح
ترجمان دا کہنا اے کہ 27 جون توں 30 جون تیکر ٹیکس دین والیاں نوں ادائیگیاں وچ سہولت دتی جائے گی۔
جاری ہوئے مراسلے دے مطابق ٹیکس تے ڈیوٹیاں دی وصولی یقینی بناؤن لئی دفاتر ودھو ویلے (اضافی اوقات) وچ کم کرن گے۔ ایف بی آر نے سارے چیف کمشنرز ان لینڈ ریونیو نوں خاص اوقاتِ کار اُتے عمل کرن دی ہدایت جاری کر دتی اے۔
30 جون 2026 نوں رات 12 بجے تیکر ٹیکس وصولی جاری رکھن دا فیصلہ، مالی سال دے آخری ہدفاں نوں پورا کرن لئی اہم قدم منیا گیا اے۔
