پٹرولیم مصنوعات توں بعد پبلک ٹرانسپورٹ دے کرایاں چ کمی۔

لاہور: پٹرولیم مصنوعات دیاں قیمتاں چ کمی توں بعد پبلک ٹرانسپورٹرز ولوں کرایاں چ 16 فیصد کمی کر دِتی گئی اے۔

لاہور توں راولپنڈی دا کرایہ 3500 روپے توں گھٹ کر کے 3080 روپے کر دِتا گیا اے، جدکہ لاہور توں پشاور دا کرایہ 4200 روپے توں گھٹ کر کے 3700 روپے کر دِتا گیا اے۔

ایسے طرح لاہور توں سرگودھا دا کرایہ 1670 توں گھٹ کر کے 1470 روپے، فیصل آباد دا کرایہ 1530 توں گھٹ کر کے 1350 روپے، تے ملتان دا کرایہ 2900 توں گھٹ کر کے 2550 روپے کر دِتا گیا اے۔

ٹرانسپورٹ کمپنیاں دے مطابق بہاولپور دا کرایہ 3500 روپے توں گھٹ کر کے 3080 روپے، سوات دا کرایہ 4330 روپے توں گھٹ ہو کے 3810 روپے تے مری دا کرایہ 4140 روپے توں گھٹ ہو کے 3650 روپے کر دِتا گیا اے۔

لاہور توں کراچی دا کرایہ 9720 توں گھٹ کر کے 8560 روپے کر دِتا گیا اے، تے لاہور توں حیدر آباد دا کرایہ 9490 توں گھٹ کر کے 8350 روپے کر دِتا گیا اے۔

سواریاں (مسافروں) دا کہنا اے کہ پٹرول تے ڈیزل سستا ہون توں بعد کرایاں چ کمی چنگی گل اے، پر ایہ کرایے اجے وی عام بندے دی پہنچ توں دور نیں، حکومت نوں چاہیدا اے کہ غریب لوکاں دا خیال رکھے۔