ٹیکس گزار تے افسر دے وچکار تعلق مُک جائے گا تے فیس لیس (بنا آمنے سامنے) سسٹم ایس دی تھاں لے گا: وزیرِ خزانہ
اسلام آباد: وزیرِ خزانہ محمد اورنگزیب دا کہنا اے کہ نویں سسٹم وچ ٹیکس گزار تے ٹیکس افسر دے وچکار تعلق مُک جائے گا تے فیس لیس (بنا آمنے سامنے) سسٹم ایس دی تھاں لے گا۔
قومی اسمبلی دے بجٹ نال جڑے اجلاس وچ وزیرِ خزانہ نے آکھیا کہ ساڈیاں کوشِشاں رنگ لیائیاں تے خطے وچ جنگ دے بَدل چھٹ گئے جیہدے لئی میں فیلڈ مارشل عاصم منیر، وزیراعظم شہباز شریف تے عوام نوں ودھائی دینا واں، پاکستان نے جنگ رکوا کے وڈا کارنامہ سرانجام دتا۔
اوہناں نے آکھیا کہ وزیراعظم نے پچھلے بجٹ وچ ای پاسا واضع کر دتا سی جیہدی وجہ توں معاشی استحکام آیا، ساڈیاں صنعتاں رواں دواں نیں تے کرنٹ اکاؤنٹ خسارہ سرپلس اے، ساڈا برآمدی شعبہ بہتری وکھا رہا اے، آئی ٹی ایکسپورٹ وچ 20 فیصد وادھا ہویا اے۔
محمد اورنگزیب نے آکھیا کہ اسیں ٹیکس نظام وچ بنیادی اصلاحات کیتیاں نیں، ٹیکس گزار تے ٹیکس افسر دے وچکار تعلق مُک جائے گا تے فیس لیس (بنا آمنے سامنے) سسٹم ایس دی تھاں لے گا، ایف بی آر دی کارکردگی بارے نکتہ چینی کیتی گئی اے تے مثبت نکتہ چینی خوش آئند اے۔
