بلوچستان حکومت دا فیول کنزرویشن (تیل بچت) سمیت سارے کفایتی اقدامات ختم کرن دا اعلان
بلوچستان: حکومت بلوچستان نے فیول کنزرویشن (تیل بچت) تے دوجے وادھو کفایتی اقدامات فوراً ختم کرن دا اعلامیہ جاری کر دتا اے، جدکہ کاروباری ویلے (اوقات کار) بارے پہلاں توں جاری نوٹیفکیشن اوداں ای لاگو رہے گا۔
سیکرٹری سروسز اینڈ جنرل ایڈمنسٹریشن ڈیپارٹمنٹ ولوں جاری کیتے گئے نوٹیفکیشن دے مطابق 10 مارچ 2026 توں نافذ ساریاں کفایتی پابندیاں واپس لے لئیاں گئیاں نیں.
نوٹیفکیشن دے مطابق بازار، مارکیٹاں تے شاپنگ مالز رات 9 بجے بند ہون گے، جدکہ شادی ہالاں تے مارکیز نوں رات 10 بجے تیکر کھلا رکھݨ دی اجازت ہووے گی، ریسٹورنٹ، کیفے تے دوجے کھاݨ پیݨ دے اڈے (فوڈ آؤٹ لیٹس) رات 11 بجے بند کیتے جاؤن گے، جدکہ پھل، سبزی، کریانہ تے گروسری دیاں دکاناں نوں وی ایس ے ویلے تیکر کاروبار دی اجازت دتی گئی اے۔
اعلامیہ وچ ہور دَسیا گیا اے کہ میڈیکل سٹوراں (فارمیسیز)، ہسپتالاں، لیبارٹریاں تے کلینکس اُتے ویلے دی کوئی پابندی نہیں ہووے گی، جدکہ بیکریاں، تندور، ددھ تے ڈیری شاپس وی ایہناں پابندیاں توں باہر ہون گیاں، ایسے طرحاں پٹرول پمپاں، سی این جی سٹیشناں تے الیکٹرک وہیکل چارجنگ سٹیشناں نوں وی پوری چھوٹ (استثنیٰ) حاصل ہووے گی۔
حکومت نے جم، سپورٹس فیسلٹیز تے سپورٹس، پیڈل، کورٹس نوں وی پابندیاں توں مستثنیٰ قرار دتا اے، جدکہ آئی ٹی کمپنیاں تے کال سینٹراں نوں وی ایہہ چھوٹ حاصل ہووے گی۔
