وزیراعظم نے 9 تے 10 محرم الحرام نوں سرکاری چھٹیاں دی منظوری دے دتی
وزیراعظم شہباز شریف نے 9 تے 10 محرم الحرام نوں سرکاری چھٹیاں دی منظوری دے دتی۔
عاشورے دے موقعے اُتے سرکاری چھٹیاں دا اعلان کر دتا گیا، 9 تے 10 محرم الحرام نوں چھٹی ہووے گی، ملک بھر وچ جلوس کڈھے جان گے، اس دوران سارے سرکاری دفتر بند رہن گے۔
سندھ حکومت نے وی 9 تے 10 محرم الحرام دیاں چھٹیاں دا اعلان کر دتا، حکومت ولوں جاری نوٹیفکیشن دے مطابق 9 تے 10 محرم الحرام دے موقعے اُتے 25 تے 26 جون نوں عام چھٹی ہووے گی۔
یاد رہے کہ پاکستان سمیت پوری دنیا وچ نواسہ رسول ﷺ حضرت امام حسینؑ تے اوہناں دے اہل خانہ دی اسلام لئی دتیاں گئیاں قربانیاں دی یاد وچ یومِ عاشورہ منایا جاندا اے۔
محرم الحرام دے دوران مجالس تے جلوساں دے انعقاد نوں ویکھدیاں ہویاں ملک بھر وچ سکیورٹی دے خاص انتظام کیتے جا رہے نیں۔
