گلگت بلتستان دے 30 نویں چنے گئے ممبراں نے حلف چُک لیا
گلگت بلتستان اسمبلی دے 33 وچوں 30 نویں چنے گئے ممبراں نے حلف چُک لیا۔
سپیکر گلگت بلتستان اسمبلی نذیر احمد ایڈووکیٹ نے نویں چنے گئے ممبراں توں حلف لیا۔
پیپلز پارٹی دے 13 تے (ن) لیگ دے 9 ممبراں نے حلف چُکیا جد کہ استحکام پاکستان پارٹی دے 6 تے ایم ڈبلیو ایم دے اک ممبر نے حلف چُکیا۔
پی ٹی آئی دے حمایت یافتہ آزاد ممبر وی حلف چُکن والیاں وچ شامل نیں۔
پیپلز پارٹی نے گلگت بلتستان وچ امجد حسین ایڈووکیٹ نوں وزیر اعلیٰ لئی نامزد کر دتا۔
سپیکر گلگت اسمبلی نے جی بی اسمبلی دا اجلاس اج دن 3 بجے تک ملتوی کر دتا، دوبارہ شروع ہون والے اجلاس وچ سپیکر، ڈپٹی سپیکر تے قائدِ ایوان دا چناؤ کیتا جائے گا۔
واضح رہے کہ گلگت دے 3 حلقیاں دا نوٹیفکیشن عدالتی حکم اُتے رُکیا ہویا اے جنہاں وچ اسکردو دا 1 تے دیامر دے 2 حلقیاں دا سرکاری نوٹیفکیشن عدالتی حکم اُتے روکے جان پاروں 3 ممبر اپنی رکنیت دا حلف نہیں چُک سکے۔
دوجے پاسے پیپلز پارٹی نے امجد حسین ایڈووکیٹ نوں گلگت بلتستان دا وزیراعلیٰ نامزد کر دتا اے۔
