پنجاب وچ زلزلے نال کوئی جانی یا مالی نقصان نہیں ہویا: پی ڈی ایم اے
ایس نوں پنجابی شاہ مکھی وچ ترجمہ کیتا گیا اے:
لاہور: پنجاب ڈیزاسٹر مینجمنٹ اتھارٹی (پی ڈی ایم اے) پنجاب نے زلزلے بارے رپورٹ جاری کر دتی اے۔
پی ڈی ایم اے دے ترجمان دے مطابق پنجاب وچ زلزلے پاروں کسے وی قسم دا جانی یا مالی نقصان رپورٹ نہیں ہویا، لاہور، راولپنڈی، اٹک، چکوال، میانوالی، ملتان، پوٹھوہار ریجن تے پنجاب دے ہور ضلعیاں وچ زلزلے دے جھٹکے محسوس کیتے گئے۔
ترجمان دا کہنا سی کہ ریکٹر سکیل تے زلزلے دی شدت 5.4 ریکارڈ کیتی گئی، جدکہ زلزلے دا مرکز ہندو کش دا ریجن سی تے ایس دی ڈونگھائی (گہرائی) 215 کلومیٹر ریکارڈ کیتی گئی۔
ایہ وی پڑھو: پنجاب، خیبر پختونخوا تے اسلام آباد وچ زلزلے دے جھٹکے
ڈی جی پی ڈی ایم اے دا کہنا اے کہ متعلقہ انتظامیہ عمارتاں دی چیکنگ وچ مصروف اے جدکہ پی ڈی ایم اے دے صوبائی کنٹرول روم سمیت پورے پنجاب دے ضلعی ایمرجنسی آپریشن سینٹرز 24 گھنٹے فعال نیں۔
ترجمان نے شہریاں توں اپیل کیتی اے کہ زلزلے پاروں کسے وی نقصان دی اطلاع پی ڈی ایم اے دی ہیلپ لائن 1129 تے دیو۔
