برطانوی جہاز توں ریسکیو کیتے گئے 8 ایرانی ماہی گیر واپس ٹور دتے: اسحاق ڈار
اسلام آباد نائب وزیراعظم تے وزیر خارجہ اسحاق ڈار نے کہیا اے کہ برطانوی جہاز MMA Valour ولوں سمندر وچ ریسکیو کیتے گئے 8 ایرانی ماہی گیر کامیابی دے نال اپنے وطن واپس ٹور دتے گئے نیں-
سوشل میڈیا دی ویب سائٹ ’ایکس‘ (ٹویٹر) اُتے اپنے بیان وچ اسحاق ڈار نے دَسیا کہ ماہی گیراں دی بیڑی (کشتی) حادثے دا شکار ہوئی سی، پر اوہ اج سویر کراچی توں ایران لئی روانہ ہو گئے۔
اوہناں نے کہیا کہ پاکستان دی وزارتِ خارجہ تے ہور متعلقہ اداریاں نے ایرانی تے برطانوی حکام نال نیڑے دا رابطہ رکھ کے تے تعاون راہیں ایہناں ایرانی شہریاں دی محفوظ آمد و رفت تے چھیتی وطن واپسی نوں یقینی بنایا۔
اسحاق ڈار نے ہور کہیا کہ پاکستان اپنے شہریاں لئی بھروسہ کرن اُتے ایران، خاص طور تے عباس عراقچی دا شکر گزار اے، جدکہ سارے متعلقہ فریقاں دے تعاون دی وی تعریف کردا اے جیہناں دیاں سانجھیاں کوششاں نال ماہی گیراں دی محفوظ وطن واپسی ممکن ہوئی۔
