ملک اندر اک دن وچ کورونا دا ریکارڈ 153موتاں

اسلام آباد :ملک بھر وچ کرونا وائرس دے کیساں وچ تیزی نا ل اضافہ ہو ریا اے تے مریضاں دی مجموعی تعد 171 ہزار 666 ہو گئی اے جد کہ مزید 153 مریض دم توڑگے نے جیدے نتیجے نال ہلاکتاں دی تعداد 3ہزار 642 ہوگئی اے ۔
نیشنل کمانڈ اینڈ آپریشن سینٹر دے مطابق 24 گھنٹیاں دے دوران کرونا وائرس دے مزید 6604 کیس سامنے آگے نے ۔سندھ وچ کرونا کیساں دی تعداد سب نالوں زیادہ ہو گئی اے جتھے 65ہزار 163،پنجاب وچ 64 ہزار 126 ،خیبر پختونخواہ وچ 20ہزار 790 ،بلوچستان وچ 9ہزار162،اسلام آباد وچ 10ہزار 279،گلگت وچ 279،آزاد کشمیر وچ 803کرونا کیس رپورٹ ہوئے نے ۔
این سی او دے مطابق ملک وچ کرونا مریضاں دے لئی مزید 103وینٹی لیٹرز فراہم کیتے گے نے جناں دی کل تعداد 1503ہو گئی جد کہ جولائی دے آخر تک ملک وچ مزید 1500وینٹی لیٹر فراہم کیتے جان گے۔
پچھلے چوی گھنٹیاں دے دوران 31ہزار 681کرونا ٹیسٹ کیتے گے نے تے ہون تک مجموعی طور تے 10لکھ 42ہزار 787ٹیسٹ کیتے جا چکے نے ،جد کہ 61ہزار 383مریض صحت یاب ہو چکے نے۔
کرونا وائرس تے احتیاطی تدابیر :
کرونا وائرس دے خلاف ایہہ احتیاطی تدابیر اختیار کرن نال اس وباء دے خلاف جنگ جتنا آسان ہو سکدا اے۔صبح دا کجھ وقت دھپ وچ گزارنا چائی دا اے،کمریاں نو ں بند کرکے نہ بیٹھو بلکہ دروازہ تے باریاں کھول دیو تے تھوڑی تھوڑی دھپ نوں اندر آون دیو ۔بند کمرے وچ اے سی چلا کہ بیٹھن دی بجائے پکھے دی ہوا دے وچ بیٹھو۔
سورج دیاں شعاواں وچ موجود یو وی شعاواں وئرس دی بیرو نی ساخت تے ابھرے ہوئے پروٹین نوں متاثر کردیاں نے تے وئرس نوں کمزور کر دیندیاں نے ۔درجہ حرارت یا گرمی دے زیادہ ہوون نال وائرس تے کوئی اثر نئیں پیندا پر یو وی شعاواں دے زیادہ پین نال وائرس کمزور ہو جاند ا اے۔
پانی گرم کر کے تھرماس وچ رکھ لوو تے اک گھنٹے بعد ادھا کپ نیم گرم پانی پیوو ۔وائرس سب توں پہلے گلے وچ انفیکشن کر دا اے تے فر اوتھوں پھیپھڑیاں تک چلا جاندا اے ،گرم پانی دے استعمال نال وائرس گلے توں معدے وچ چلا جاندا اے جتھے وائرس دا خاتمہ ہو جاندا اے۔