ایرانی صدر دے اعزاز وچ وزیراعظم ہاؤس وچ استقبالیہ تقریب

اسلام آباد: ایران دے صدر ڈاکٹر مسعود پزشکیان دے اعزاز وچ وزیراعظم ہاؤس وچ استقبالیہ تقریب دا اہتمام کیتا گیا۔

وزیراعظم محمد شہباز شریف نے ایرانی صدر دی وزیراعظم ہاؤس آمد اُتے نِگھّا خیرمقدم کیتا، ایس موقعے اُتے مسلح افواج دے چاق و چوبند دستے نے اوہناں نوں گارڈ آف آنر پیش کیتا، جدکہ ایرانی صدر نے گارڈ آف آنر دا معائنہ کیتا۔

تقریب دے دوران دوویں ملکاں دے قومی ترانے وی بجائے گئے، وزیراعظم نے وفاقی کابینہ دے ممبراں دا ایرانی صدر نال تعارف کرایا جدکہ ایرانی صدر نے وی اپنے وفد دے ممبراں نوں وزیراعظم نال متعارف کرایا۔

اوہدوں بعد ایرانی صدر ڈاکٹر مسعود پزشکیان نے وزیراعظم شہباز شریف دے نال وزیراعظم ہاؤس دے سبزہ زار وچ بوٹا لایا تے دعا وی کیتی۔

ایس تقریب نوں دوویں ملکاں دے وچکار خوشگوار تعلقات دے اظہار لئی اک اہم پیش رفت منیا جا رہا اے۔