ڈیفنس کراچی وچ امام بارگاہ دے باہر بے قابو گڈی دی ٹکر دے واقعے نوں پولیس نے حادثہ قرار دے دتا اے۔
کراچی دے علاقے ڈیفنس وچ امام بارگاہ دے باہر بے قابو گڈی دی ٹکر نال بچی دی ہلاکت نوں پولیس نے حادثہ قرار دے دتا اے۔
یاد رہے کہ 21 جون دی رات نوں تقریباً ساڑھے نو بجے اک تیز رفتار گڈی ڈیفنس خیابانِ سحر وچ بنی امام بارگاہ دے باہر ٹینٹ وچ وڑ گئی سی۔ ایس حادثے وچ سگوں (مجموعی طور تے) 22 بندے زخمی ہوئے۔
ترت (فوری طور تے) ریسکیو والے موقعے تے پہنچے تے اوہناں نے زخمیاں نوں پہلاں جناح ہسپتال تے اوہدے توں بعد وکھو وکھ نجی ہسپتالاں وچ پہنچایا۔
ڈی آئی جی ساؤتھ اسد رضا دے مطابق گڈی وچ سوار بندیاں توں پچھ گچھ (تحقیقات) جاری اے۔ ہن تیکر دی پچھ گچھ وچ اوہناں دے بیاناں دی تصدیق وی کیتی جا چکی اے، ایہ واقعہ نرا (محض) اک حادثہ سی، ایس وچ کسے قسم دی کوئی سازش یا منصوبہ بندی شامل نہیں۔ حادثے وچ زخمی ہون والی اک بچی 22 جون دی شام نوں دم توڑ (جاں بحق ہو) گئی سی، جدوں کہ 22 زخمیاں وچوں ہن 7 زیرِ علاج نیں، جنہاں وچوں دو نجی ہسپتالاں وچ داخل (ایڈمٹ) نیں۔
پیر دی رات علامہ شہنشاہ حسین نقوی نے امام بارگاہ وچ پریس کانفرنس وی کیتی تے آکھیا کہ واقعے دے ذمہ داراں دے خلاف کارروائی ہونی چاہیدی اے۔
پولیس حکام دا کہنا اے کہ امام بارگاہ دے آلے دوالے (اطراف) سکیورٹی ہور ودھا دتی گئی اے۔
