سانحہ بلدیہ فیکٹری کیس: دوشیاں زبیر چریا تے رحمان بھولا نوں سینٹرل جیل توں رہا کر دتا گیا اے۔
سانحہ بلدیہ فیکٹری کیس دے دوشیاں زبیر عرف چریا تے رحمان عرف بھولا نوں جیل توں رہا کر دتا گیا اے۔
سپرنٹنڈنٹ سینٹرل جیل نے دَسیا کہ دوویں بندے سینٹرل جیل وچ قید سن، دوہاں بندیاں نوں قانونی کارروائی پوری ہون توں بعد جیل توں رہا کر دتا گیا اے۔
رجسٹرار سندھ ہائیکورٹ نے رحمان بھولا تے زبیر چریا دے ریلیز آرڈر (رہائی دے پروانے) جاری کیتے سن، جیہدے توں بعد ایہ ریلیز آرڈر انسدادِ دہشت گردی عدالت تے سپرنٹنڈنٹ سینٹرل جیل نوں گھلے (ارسال کیے) گئے۔
یاد رہے کہ سپریم کورٹ وچ ایس جاری مہینے دی 10 جون نوں سانحہ بلدیہ ٹاؤن دے بارے کیس دی سماعت ہوئی سی، جیہدے وچ عدالت نے دوہاں دوشیاں (ملزمان) دا ٹرائل کورٹ تے سندھ ہائیکورٹ ولوں سݨایا گیا سزائے موت دا فیصلہ کالعدم (ختم) کر دتا سی۔
جسٹس شہزاد ملک دی سربراہی وچ 3 رکنی بینچ نے دوشیاں عبدالرحمان عرف بھولا تے زبیر عرف چریا دیاں اپیلاں منظور کردیاں ہویاں اوہناں نوں بری کرن دا حکم جاری کیتا سی۔
دوجے پاسے سانحہ بلدیہ فیکٹری دے متاثرین تے مزدور تنظیماں نے کیس دوبارہ کھولن دی منگ کیتی اے۔
