بھکر: گریٹر تھل کینال چ نہاندیاں ہوئیاں 3 بچے ڈوب گئے، 2 دیاں لاشاں لبھ گئیاں۔
بھکر: گریٹر تھل کینال چ نہاندیاں ہوئیاں 3 بچے ڈوب گئے، جنہاں چوں 2 دیاں لاشاں کڈھ لئیاں گئیاں نے جدکہ تیسرے بچے دی بھال لئی ریسکیو آپریشن جاری اے۔
ریسکیو ذراائع دے مطابق ایہہ افسوسناک واقعہ جھنگ روڈ تے منکیرہ دے نیڑے سڑکی سٹاپ دے علاقے چ پیش آیا، جتھے 3 بچے نہاندیاں ہوئیاں نہر چ ڈوب گئے۔
واقعے دی اطلاع ملدیاں ہی ریسکیو 1122 بھکر نے فوراً کارروائی کردیاں ہوئیاں ریسکیو گڈی، ایمبولینس تے امدادی ٹیماں نوں موقعے تے روانہ کیتا تے سرچ آپریشن شروع کر دتا۔
ریسکیو حکام دے مطابق دو بچوں دیاں لاشاں کڈھ لئیاں گئیاں نے، جدکہ تیسرے بچے دی بھال لئی پولیس تے ریسکیو ٹیماں سانجھے طور تے گریٹر تھل کینال چ آپریشن جاری رکھے ہوئے نے۔
