چند وفاقی وزراء وزیراعظم لئی مشکلاں پیدا کردے نے: بلاول بھٹو زرداری

اسلام آباد: چیئرمین پاکستان پیپلز پارٹی بلاول بھٹو زرداری نے آکھیا اے کہ چند وفاقی وزراء وزیراعظم دی مدد کرن دی بجائے اوہناں لئی مشکلاں پیدا کردے نے، شاید اوہناں وزراء دا طرزِ سیاست انج دا ہی اے۔

قومی اسمبلی چ اظہارِ خیال کردیاں ہوئیاں بلاول بھٹو زرداری دا کہنا سی کہ موجودہ صورتحال چ پاکستان دیاں ساریاں سیاسی جماعتاں متحد ہو کے مقابلہ کرن، چند وزراء دا مقصد سمجھ توں باہر اے، جیہڑا وزیر آکھے راولاکوٹ والے کشمیری نہیں اوہ ہن تیکر کابینہ چ کیوں بیٹھا اے؟

اوہناں نے آکھیا کہ وزیر دفاع اپنی گل تے معافی منگن نوں تیار نہیں، حکومت سمیت ساریاں سیاسی جماعتاں نے آزاد کشمیر دے معاملے دا سیاسی حل کڈھن دی کوشش کیتی، اس چ کوئی شک نہیں کہ وزیراعظم شہباز شریف ملک نوں مصلیاں توں کڈھن دا عزم رکھدے نے، پر مصلیاں دا حل مذاکرات تے گل بات راہیں ہی ممکن اے۔

اوہناں دا کہنا سی کہ مسئلہ حل کرن لئی مولانا فضل الرحمان نوں کردار دینا چاہیدا اے، مولانا فضل الرحمان احتجاج کرن والیاں تے آزاد کشمیر حکومت نال گل بات کرن۔

ملک بھر چ بلدیاتی الیکشن کراؤن دا مطالبہ

بلاول بھٹو نے آکھیا کہ ملک بھر چ بلدیاتی الیکشن کروائے جان، اسلام آباد چ الیکشن کرواؤ تے ماڈل نظام لے کے آؤ، بلدیاتی نظام دا بہانہ صرف سانوں آپس چ لڑوانا اے، گلگت بلتستان چ حکومت بنن جا رہی اے، اوتھے 90 دناں چ بلدیاتی الیکشن کراؤن دی کوشش کراں گے۔

اوہناں دا کہنا سی کہ جِتھے پیپلز پارٹی دی حکومت اے اوتھے بلدیاتی نظام موجود اے، مسلم لیگ (ن) خوفزدہ اے تے جِتھے اوہناں دی حکومت اے اوتھے بلدیاتی نظام نہیں ہے گا، کراچی ورگا بلدیاتی نظام لاہور چ وی لے کے آئیں (آؤ)۔

چیئرمین پیپلز پارٹی نے مزید آکھیا کہ ایم کیو ایم دے مطالبات جے نہیں مانے جاندے تے اوہ وفاقی حکومت چوں نکل جائے، آئینی ترمیم کراچی دے ممبراں لئی لالی پاپ اے، ایہہ ویلا آپس دے سیاسی اختلافاں تے دھیان دین دا نہیں، وزیراعظم ملک نوں مشکلاں توں کڈھنا چاہندے نے تے میری خواہش اے کہ وزیراعظم کامیاب ہون۔