بجٹ اجلاس چ آئی جی پولیس دی عدم حاضری تے خیبر پختونخوا اسمبلی دا اظہارِ تشویش
پشاور: خیبر پختونخوا اسمبلی سیکرٹریٹ نے آئی جی خیبر پختونخوا نوں مراسلہ (چٹھی) گھلدیاں ہوئیاں بجٹ اجلاس دے دوران سینئر پولیس افسراں دی عدم حاضری تے تشویش دا اظہار کیتا اے۔
مراسلے دے مطابق سپیکر تے اراکینِ اسمبلی نے آئی جی پولیس دی عدم موجودگی تے ناراضی ظاہر کردیاں ہوئیاں آکھیا اے کہ بجٹ اجلاس تے پولیس محکمے نال جڑے معاملیاں چ آئی جی پولیس دی موجودگی ضروری اے۔
اسمبلی سیکرٹریٹ نے خبردار کیتا کہ آئی جی پولیس دے نہ آؤن نال اسمبلی دی کارروائی متاثر ہون دا ڈر اے، جدکہ پولیس محکمے نال جڑیاں گرانٹس تے مطالبیاں تے ویلے سر معاونت (مدد) وی ضروری اے۔
مراسلے چ آئی جی پولیس تے متعلقہ افسراں نوں ہدایت کیتی گئی اے کہ اوہ اسمبلی اجلاس چ اپنی حاضری نوں یقینی بناؤن، خاص طور تے پولیس محکمے بارے بحث دے دوران متعلقہ افسراں دی موجودگی نوں لازمی قرار دتا گیا اے۔
اعلامیے دے مطابق اسمبلی کارروائی نوں بہتر طریقے نال چلان لئی متعلقہ افسراں دی شرکت ناگزیر (بوہت ضروری) اے، مراسلے دیاں کاپیاں وزیراعلیٰ، سپیکر تے ڈپٹی سپیکر دے دفتراں نوں وی گھل دتیاں گئیاں نے۔
