قائم مقام صدر آزاد کشمیر چوہدری لطیف اکبر دے کاغذاتِ نامزدگی مسترد

مظفر آباد: مظفر آباد وچ آزاد جموں و کشمیر قانون ساز اسمبلی دے عام چناؤ (انتخابات) 2026 لئی کاغذاتِ نامزدگی دی پچھان (سکروٹنی) دا کم جاری اے، جدکہ قائم مقام صدر آزاد کشمیر چوہدری لطیف اکبر دے کاغذاتِ نامزدگی مسترد کر دتے گئے نیں.

ذرائع دے مطابق چوہدری لطیف اکبر دے کاغذاتِ نامزدگی نوں اوہناں دے مخالف امیدوار ثاقب مجید راجہ ولوں چیلنج کیتا گیا سی۔ درخواست دین والے نے ایہ مؤقف اپنایا کہ چوہدری لطیف اکبر اک آئینی عہدے تے بیٹھے ہوئے نیں تے ایس حیثیت وچ اوہ الیکشن وچ حصہ نہیں لے سکدے۔

ریٹرننگ آفیسر نے لکھتی درخواست تے دوہاں دھریاں (فریقین) دے دلیلاں سنیاں۔ چوہدری لطیف اکبر ولوں چوہدری شوکت ایڈووکیٹ نے دلیلاں دتیاں، پر بحث مکنے توں بعد ریٹرننگ آفیسر نے فیصلہ سنانودے ہوئے کاغذاتِ نامزدگی مسترد کر دتے۔

آزاد کشمیر چناؤ دے سلسلے وچ وکھو وکھ حلقیاں وچ کاغذاتِ نامزدگی دی جانچ پڑتال دا کم اجے وی جاری اے۔