جنانیاں سفارتکار عالمی امن تے تعاون وچ وڈا (کلیدی) کردار ادا کر رہیاں نیں: آصفہ بھٹو
کراچی: خاتونِ اول آصفہ بھٹو زرداری نے جنانیاں (خواتین) سفارت کاراں دیاں خزمتاں نوں شاندار لفظاں وچ سراہندے ہوئے آکھیا اے کہ جنانیاں سفارت کار عالمی امن تے تعاون وچ وڈا (کلیدی) کردار ادا کر رہیاں نیں.
اپنے سینیہے (پیغام) وچ آصفہ بھٹو زرداری دا کہنا سی کہ پاکستانی جنانیاں نے سفارت کاری دے میدان وچ اگھیاں (نمایاں) خزمتاں انجام دتیاں نیں تے عالمی پدھر (سطح) تے ملک دا چنگا ناں (مثبت تشخص) چمکاؤن وچ اہم کردار ادا کیتا اے.
خاتونِ اول نے آکھیا کہ بیگم رعنا لیاقت علی خان توں لے کے بینظیر بھٹو تیکر ساڈے سامنے روشن مثالاں موجود نیں. ایس موقعے تے خاتونِ اول نے نویں عمر دیاں کڑیاں (نوجوان خواتین) نوں سفارت کاری دے میدان وچ اگے ودھن دا حوصلہ دتا.
اوہناں دا ہور کہنا سی کہ جنانیاں دیاں کامیابیاں پوری قوم لئی مان (باعثِ فخر) نیں تے اوہناں دیاں خزمتاں آؤن والیاں نسلاں لئی چانن منارہ (مشعلِ راہ) نیں.
