“فیلڈ مارشل عاصم منیر نال لیبیا دے ڈپٹی کمانڈر اِن چیف لیفٹیننٹ جنرل دی وڈی ملاقات: دوواں دیساں وچکار دفاعی سانجھے داری نوں ہور تکڑا کرن تے زور”
” فیلڈ مارشل سید عاصم منیر نال لیبیا دی عرب مسلح افواج دے ڈپٹی کمانڈر اِن چیف لیفٹیننٹ جنرل صدام خلیفہ حفتر دی جی ایچ کیو راولپنڈی وچ وڈی بیٹھک”
آئی ایس پی آر دے مطابق لیفٹیننٹ جنرل صدام خلیفہ حفتر دی جی ایچ کیو آمد اتے تناں مسلح فوجاں دے چاک و چوبند دستے نے گارڈ آف آنر پیش کیتا۔ ملاقات وچ باہمی دلچسپی دے معاملیاں، علاقائی سکیورٹی دی صورتحال، دفاعی تعاون تے فوجی رابطیاں نوں ودھان دے امکانات اتے گل بات کیتی گئی۔ دوہاں پاسیاں توں دوطرفہ دفاعی تعلقات نوں ہور مضبوط بنان دی اہمیت اتے زور دتا گیا۔ پیشہ ورانہ فوجی تربیت تے سکیورٹی دے شعبیاں وچ تعاون ودھان اتے اتفاق کیتا گیا۔
لاہور: موری گیٹ توں شبیہ ذوالجناح دا جلوس برآمد
فیلڈ مارشل سید عاصم منیر نے پاکستان آرمی دے امن، استحکام تے یار بیلی (دوست) ملکاں نال تعمیری رابطیاں نوں ودھان دے عزم نوں ظاہر کیتا۔ لیبیائی مہمان نے پاکستان دیاں مسلح فوجاں دیاں پیشہ ورانہ صلاحیتاں نوں سلاہیا۔ لیفٹیننٹ جنرل صدام خلیفہ حفتر نے علاقائی امن تے سلامتی لئی پاکستان دیاں مسلح فوجاں دیاں خزمتاں دا اعتراف کیتا۔ شیئر کرو:
