صوبائی وزراء دا مزار بی بی پاکدامن تے سکیورٹی انتظامات دا جائزہ
مریم اورنگزیب تے ہوراں دا سیف سٹیز اتھارٹی، محکمہ داخلہ دے کنٹرول روم دا وی دورہ؛ 130 ڈرونز، 5600 کیمریاں نال جلوساں تے حساس تھاواں دی نگرانی جاری: بریفنگ
لاہور (این این آئی) وزیراعلیٰ مریم نواز دیاں اچیچیاں (خصوصی) ہدایتاں اُتے محرم دے دوران سکیورٹی تے انتظامی انتظاماں دا جائزہ لین لئی سینئر صوبائی وزیر مریم اورنگزیب نے صوبائی وزراء خواجہ سلمان رفیق، بلال یاسین تے چیف سیکرٹری زاہد اختر زمان دے نال مزار بی بی پاکدامن، پنجاب سیف سٹیز اتھارٹی دے مرکزی کنٹرول روم تے محکمہ داخلہ دے کنٹرول روم دا دورہ کیتا۔
وفد نے مزار بی بی پاکدامن اُتے سکیورٹی انتظاماں، زائرین نوں دتیاں گئیاں سہولتاں تے آؤن جان والے (داخلی و خارجی) رستیاں دا جائزہ لیا۔ زائرین نال ملاقات کیتی تے محرم دے انتظاماں بارے پچھیا۔ زائرین نے بہتر انتظاماں تے سہولتاں نوں سلاہیا (تعریف کیتی)۔
مگروں (بعد میں) وفد نے سیف سٹیز اتھارٹی دے مرکزی کنٹرول روم دا دورہ کیتا جپھے آئی جی، سیکرٹری داخلہ، سی سی پی او لاہور تے ایم ڈی سیف سٹی نے بریفنگ وچ دسیا کہ سیف سٹیز اتھارٹی دے کنٹرول روم توں پورے صوبے وچ فول پروف سکیورٹی انتظاماں دی نگرانی کیتی جا رہی اے، جدکہ لاہور سمیت پنجاب دے 43 سمارٹ سیف سٹی سینٹرز توں محرم دے جلوساں تے مجالس دی لگاتار مانیٹرنگ جاری اے۔
130 ڈرونز تے 5600 توں ودھ کیمریاں راہیں جلوساں، حساس تھاواں تے فلیش پوائنٹس دی نگرانی کیتی جا رہی اے۔ 400 توں ودھ پینک بٹن وی چالو (فعال) نیں جدکہ سیف سٹی حکام پورے صوبے دے کمشنرز تے ڈپٹی کمشنرز نال 24 گھنٹے رابطے وچ نیں۔
مریم اورنگزیب نے آکھیا کہ سیف سٹی نویں ٹیکنالوجی تے سمارٹ مانیٹرنگ سسٹمز راہیں سکیورٹی انتظاماں نوں ہور تگڑا (مؤثر) بنا رہا اے۔ عزاداماں دی جان و مال دی راکھی (تحفظ) تے پرامن ماحول لئی سارے موجودہ وسائل ورتے (بروئے کار لائے) جا رہے نیں۔مریم اورنگزیب تے ہوراں دا سیف سٹیز اتھارٹی،
