آزاد کشمیر وچ خوراک بھریاں گاڈیاں نوں روکن دے الزامات بے بنیاد: آئی جی پولیس
سارے راہ کھلے نیں، کجھ شرپسند عنصر کشمیر دی صورتحال دے حوالے نال جھوٹا پروپیگنڈا پھیلا رہے نیں؛ جھوٹیاں تے جالی خبراں سبھ توں وڈا چیلنج نیں، عوام کسے بھی خبر نوں شیئر کرن توں پہلاں تصدیق کرے: پریس کانفرنس
مظفرآباد آزاد جموں تے کشمیر دے انسپکٹر جنرل پولیس لیاقت علی ملک نے آکھیا اے کہ جھوٹیاں تے جالی خبراں موجودہ دور دا سبھ توں وڈا چیلنج بن چکیاں نیں، عوام کسے وی خبر نوں اگے شیئر کرن توں پہلاں اوہدی تصدیق ضرور کرے۔
مظفرآباد وچ نیوز کانفرنس کردیاں اوہناں نے آکھیا کہ کجھ شرپسند عنصر کشمیر دی صورتحال دے حوالے نال جھوٹا پروپیگنڈا پھیلا رہے نیں، آزاد کشمیر وچ راہواں دی بندش دے متعلق کجھ خبراں وچ حقائق دے الٹ دعوے کیتے گئے نیں جبکہ آزاد کشمیر آؤن تے جان والے سارے راہ مکمل طور تے کھلے نیں تے ٹریفک معمول دے مطابق چل رہی اے۔
اوہناں ہور آکھیا کہ راہواں دی بندش دے حوالے نال ساریاں خبراں جالی تے من گھڑت نیں، تے خوراک نال بھریاں گڈیاں نوں ڈکن (روکن) دے متعلق لائے گئے الزام بے بنیاد نیں۔
