خاران تے مستونگ وچ فورسز دیاں کارروائیاں، فتنہ الہندوستان دے 8 دہشتگرد ہلاک
راولپنڈی: بلوچستان دے ضلعیاں خاران تے مستونگ وچ سکیورٹی فورسز دیاں کارروائیاں وچ 8 دہشتگرد ہلاک ہو گئے۔
پاک فوج دے شعبہ تعلقات عامہ (آئی ایس پی آر) دے مطابق سکیورٹی فورسز نے 25 تے 26 جون نوں فتنہ الہندوستان دے خلاف انٹیلی جنس بنیاد اُتے آپریشن کیتا۔
آئی ایس پی آر نے دسیا کہ سکیورٹی فورسز نے خاران وچ دہشتگرداں دے اک گروہ دی نقل و حرکت دا سراغ لایا، فورسز دی بروقت تے مؤثر کارروائی وچ بھارتی پراکسی فتنہ الہندوستان دے 3 دہشتگرد ہلاک تے کئی زخمی ہو گئے۔
ایہدے توں وکھ 26 جون نوں مستونگ وچ ممکنہ خودکش حملہ آور دی موجودگی دی اطلاع اُتے ویلے توں پہلے انٹیلی جنس آپریشن کیتا گیا جیہدے وچ فورسز نے دہشتگرداں دے ٹھکانے نوں مؤثر انداز وچ نشانہ بنایا۔
آئی ایس پی آر دے مطابق شدید فائرنگ دے تبادلے توں بعد 5 دہشتگرد ہلاک ہو گئے جیہناں وچ اک خودکش حملہ آور وی شامل سی۔
