ایس ہفتے تیل دیاں بین الاقوامی قیمتاں دے اشاریاں دا جائزہ لواں گے: وزیر پیٹرولیم
اسلام آباد: وزیر پیٹرولیم علی پرویز ملک نے آکھیا اے کہ ایس ہفتے پیٹرول تے ڈیزل دیاں بین الاقوامی قیمتاں دے اشاریاں دا جائزہ لواں گے۔
اپنے بیان وچ علی پرویز ملک دا کہنا سی کہ حکومت نہ تے کسے شعبے نوں ترجیح دے رہی اے تے نہ ہی کسے دوجے اُتے غیر ضروری بوجھ پا رہی اے، حکومت اپنی بین الاقوامی ذمہ داریاں دے دائرے وچ رہندے ہوئے، صارفین تیکر کوئی بھی فائدہ پہنچاؤن لئی پُرعزم اے۔
اوہناں نے آکھیا کہ وزیراعظم شہباز شریف نے ایس عہد دے تحت ہن تیکر ہائی اسپیڈ ڈیزل دی قیمت وچ مجموعی طور اُتے 200 روپے فی لیٹر تے پیٹرول دی قیمت وچ مجموعی طور اُتے 155 روپے فی لیٹر کمی کیتی اے۔
علی پرویز ملک دا کہنا سی کہ ایس ہفتے عالمی منڈی وچ پیٹرول دی پلیٹس قیمت 98.35 توں 91.68 ڈالر فی بیرل دے درمیان رہی، ایس ہفتے عالمی منڈی وچ ہائی اسپیڈ ڈیزل دی پلیٹس قیمت 109.09 توں 104.79 ڈالر فی بیرل دے درمیان رہی۔
