گرمی ودھن پاروں اتلے ضلعیاں وچ گلیشیائی جھیلاں پھٹن دا الرٹ جاری

پشاور: صوبائی ڈیزاسٹر مینجمنٹ اتھارٹی نے اتلے ضلعیاں وچ گلیشیائی جھیلاں پھٹن دا الرٹ جاری کر دتا۔

پی ڈی ایم اے نے اتلے ضلعیاں وچ گرمی ودھن تے شدید گرم موسم پاروں تیزی نال گلیشیئرز پگھلن دا خدشہ ظاہر کیتا اے۔

پی ڈی ایم اے دے مطابق اپر تے لوئر چترال، سوات، اپر دیر، کوہستان تے مانسہرہ دی ضلعی انتظامیہ نوں پہلے توں اقدامات کرن لئی ہدایتاں جاری کر دتیاں نیں۔

پی ڈی ایم اے نے دسیا کہ حساس گلیشیائی علاقیاں وچ متعلقہ ضلعی انتظامیہ نوں ہائی الرٹ رہن تے مسلسل نگرانی دی ہدایت کیتی اے، جد کہ ریسکیو اداریاں، مشینری تے ہنگامی عملے نوں ہر ویلے تیار رکھن دی وی ہدایت کیتی گئی اے۔