کوہلو وچ اک واری پھر زلزلے دے جھٹکے، شدت 4.3 ریکارڈ
بلوچستان دے علاقے کوہلو وچ اک واری پھر زلزلے دے جھٹکے محسوس کیتے گئے نیں۔
زلزلہ پیما مرکز دے مطابق زلزلے دی شدت 4.3 تے ڈونگھائی (گہرائی) 15 کلومیٹر ریکارڈ کیتی گئی، جد کہ زلزلے دا مرکز کوہلو توں 40 کلومیٹر شمال وچ سی۔
زلزلے پاروں ہالے تیکر کسے قسم دے جانی یا مالی نقصان دی کوئی خبر نہیں ملی۔
واضح رہے کہ کوہلو وچ لنگھے کل (گزشتہ روز) وی 3 واری زلزلے دے جھٹکے محسوس کیتے گئے سن۔
محکمہ موسمیات دے مطابق جمعے والے دن کوہلو وچ سویرے 10 بج کے 25 منٹ اُتے پہلا زلزلہ تے دوجا 10 بج کے 58 منٹ اُتے آیا۔
محکمہ موسمیات نے دسیا کہ جمعے دی شام 4 بج کے 49 منٹ اُتے تیجی واری زلزلے دے جھٹکے محسوس کیتے گئے، تیجے زلزلے دی شدت 5.1 تے ڈونگھائی 17 کلومیٹر ریکارڈ کیتی گئی۔
ایہدے توں وکھ ژوب، بارکھان تے راکھنی وچ وی زلزلے دے جھٹکے محسوس کیتے گئے سن۔
