ایران امریکہ جنگ وچ پاکستان دا کردار قیامت تیکر یاد رکھیا جاوے گا، خواجہ آصف

سیالکوٹ: وزیرِ دفاع خواجہ آصف نے آکھیا اے کہ پاکستان نے ایران جنگ وچ جیہڑا کردار ادا کیتا اوہ قیامت تیکر یاد رکھیا جاوے گا۔

سیالکوٹ وچ میڈیا نال گل بات کردے ہوئے خواجہ آصف نے آکھیا کہ یومِ عاشور اک ایسے موقع اُتے آیا اے جدوں خطے وچ اک جنگ چھڑی ہوئی سی، ایرانیاں نے سنتِ حسین تے کربلا دے شہیداں دی یاد تازہ کر دتی اے۔

وزیرِ دفاع نے آکھیا کہ پاکستان نے اس جنگ وچ جیہڑا کردار ادا کیتا اوہ وی قیامت تیکر یاد کیتا جاوے گا، پاکستان نے صلح کروائی تے ساری امت دے سامنے سرخرو ہویا۔

خواجہ آصف نے آکھیا کہ لبنان دے لوک اسرائیل دے ظلم و ستم توں نجات پاؤن گے تے دعا اے کہ جتھے جتھے مسلماناں اُتے ظلم ہو رہیا اے اللہ اوہناں نوں آزادی نصیب فرمائے۔