پاکستان دے پانی تے ہتھ پان والے دا ہتھ وڈھ دیاں گے، مصدق ملک دا بھارت نوں دو ٹوک پیغام
اسلام آباد: وفاقی وزیر برائے ماحولیاتی تبدیلی مصدق ملک نے ایک واری فیر بھارت نوں دو ٹوک لفظاں وچ خبردار کیتا اے کہ جیہڑا وی پاکستان دے پانی تے ہتھ پائے گا، اوہدا ہتھ وڈھ دیاں گے۔
وفاقی وزیرِ اطلاعات عطا تارڑ دے نال پریس کانفرنس کردیاں ہویاں مصدق ملک نے آکھیا کہ پاکستان واضح کر چکیا اے کہ اوہ اپنے حصے دے پانی تے کوئی سمجھوتا نہیں کرے گا، جیہڑا پاکستان دے پانی تے ہتھ پائے گا اوہدا ہتھ وڈھ دیاں گے۔
وزیرِ ماحولیاتی تبدیلی نے آکھیا کہ کیہ ایہہ حق سبھ نوں مل گیا اے کہ اُپر رہن والے لوگ تھلے والیاں دا پانی روک لین گے؟ حق لئی کھڑا ہونا ساڈی روایت اے۔
مصدق ملک نے آکھیا کہ ساڈا گوانڈھی ملک انڈس ٹریٹی (سندھ طاس معاہدے) توں مکر رہا اے، مودی پاکستان وچ آبی دہشت گردی کرنا چاہندا اے۔
ایہہ وی پڑھو:
- سندھ طاس معاہدہ خطے وچ پانی دی منصفانہ ونڈ دا ضامن اے، عملدرآمد بحال کیتا جائے: صدر زرداری
- بھارت دی سندھ طاس معاہدے دی کھلی خلاف ورزی، دریائے چناب تے بجلی منصوبے دی منظوری دے دتی
اِس موقعے تے وزیرِ اطلاعات عطا تارڑ نے آکھیا کہ سندھ طاس معاہدے نوں یکطرفہ طور تے معطل نہیں کیتا جا سکدا، وزیراعظم تے فیلڈ مارشل نے ہمیشہ آکھیا اے کہ پانی ساڈی بقا دا معاملہ اے۔
عطا تارڑ دا کہنا سی کہ پوری دنیا توں کل پانی دی اہمیت تے کانفرنس وچ شرکت لئی ماہرین آ رہے نیں تے اِس کانفرنس وچ انڈس واٹر ٹریٹی تے پاکستان دی اہمیت تے گل ہوئے گی۔
