کراچی وچ دہشتگرد حملہ: پاکستان نے افغان ناظم الامور نوں دفترِ خارجہ سد کے احتجاجی مراسلہ پھڑا دتا
پاکستان نے کراچی وچ دہشت گردی وچ افغان شہریاں دے ملوث ہون اُتے افغان ناظم الامور نوں دفترِ خارجہ سدیا تے باضابطہ ڈیمارش جاری کر دتا۔
ترجمان دفترِ خارجہ دے مطابق پاکستان نے کراچی دہشت گرد حملے اُتے افغان ناظم الامور نوں سخت احتجاج ریکارڈ کرایا۔
ترجمان دے مطابق کابل وچ پاکستانی سفیر عبید الرحمان نظامانی نے وی افغان وزارتِ خارجہ نوں احتجاجی مراسلہ پہنچایا۔
ترجمان دفترِ خارجہ دا کہنا اے کہ کراچی دہشت گرد حملے وچ افغان شہری ملوث سن، اک حملہ آور نوں گرفتار کیتا گیا، افغان دھرتی تے افغان شہری پاکستان وچ دہشت گرد حملیاں لئی استعمال ہوندے رہے نیں۔
ترجمان دفترِ خارجہ دے مطابق افغان شہریاں دا کراچی دہشت گرد حملے وچ ملوث ہونا اک وار پھر پاکستان دے مؤقف دی تصدیق اے۔
