کہوٹہ وچ اڈیالہ جیل منتقلی دے دوران قیدی وین توں 14 قیدی فرار
کہوٹہ وچ جیل منتقلی دے دوران قیدی وین توں 14 قیدی فرار ہو گئے۔
پولیس ذرائع دے مطابق عدالت پیشی توں بعد قیدیاں نوں اڈیالہ جیل منتقل کیتا جا رہا سی کہ قیدی وین نوں چیکنگ لئی روکیا گیا تاں اک قیدی نے پولیس اہلکاراں دیاں اکھاں وچ مرچاں سٹ دتیاں۔
پولیس ذرائع نے دسیا کہ کہوٹہ پولیس نے علاقے وچ سرچ آپریشن شروع کر دتا اے تے فرار ہون والے 4 قیدی دوبارہ گرفتار کر لئے نیں۔
پولیس ذرائع دا کہنا اے کہ کہوٹہ دے داخلی تے خارجی راستے سیل کر دتے گئے نیں تے سرچ آپریشن جاری اے جبکہ مفرور قیدیاں دی گرفتاری لئی پولیس دی بھاری نفری سد لئی گئی اے۔
دوجے پاسے راولپنڈی پولیس نے تصدیق کیتی اے کہ فرار قیدیاں وچوں 4 قیدیاں نوں دوبارہ گرفتار کر لیا گیا اے۔ ترجمان دا کہنا سی کہ فرار ہون والے دوجے قیدیاں دی تلاش لئی سرچ آپریشن جاری اے۔
