پانی پاکستان دی بقا دا معاملہ اے، ہر حال وچ سندھ طاس معاہدے دی راکھی (تحفظ) کراں گے: عطا تارڑ
اسلام آباد: وفاقی وزیر اطلاعات تے نشریات عطا تارڑ دا کہنا اے کہ پاکستان لئی پانی صرف اک قدرتی وسیلہ نہیں بلکہ بقا دا معاملہ اے تے پاکستان ہر حال وچ سندھ طاس معاہدے دے تقدس دی راکھی (تحفظ) کرے گا۔
سندھ طاس معاہدے دے بین الاقوامی سیمینار نال خطاب کردیاں وفاقی وزیر اطلاعات تے نشریات عطا اللہ تارڑ نے آکھیا کہ اسیں اک معاہدے دی نہیں بلکہ 24 کروڑ عوام دی زندگی دی شاہ رگ تے گل کر رہے آں، پاکستان لئی پانی صرف اک قدرتی وسیلہ نہیں بلکہ بقا دا معاملہ اے، دریائے سندھ دنیا دیاں پرانیاں ترین تہذیباں وچوں اک دی آبیاری کردا آیا اے۔
اوہناں نے آکھیا کہ پاکستان دی تاریخ اصل وچ دریائے سندھ دی تاریخ اے، زراعت قومی معیشت دا بنیادی تھمھ (ستون) اے تے دریائے سندھ ایہدی شاہ رگ اے، چھ دہاکیاں پہلے دو ملکاں نے اک غیر معمولی فیصلہ کیتا، فیصلے دے نتیجے وچ سب توں پائیدار آبی معاہدیاں وچوں اک وجود وچ آیا، پاکستان نے ہمیشہ پُرامن رابطیاں، تعمیری مذاکرات تے معاہدے تے مخلصانہ عمل درآمد دے عزم دا مظاہرہ کیتا، 1960 دا سندھ طاس معاہدہ بین الاقوامی تعلقات وچ اک انوکھا (منفرد) مقام رکھدا اے۔
وفاقی وزیر دا کہنا سی کہ کئی واری واضح کر چکے آں کہ پاکستان دے عوام دا دریائے سندھ دے پانی تے پورا حق اے، جے پانی روکن دی کوشش کیتی گئی تاں قومی قیادت تکڑا (مؤثر) جواب دین لئی پُرعزم اے، پاکستان ہر حال وچ سندھ طاس معاہدے دے تقدس دی راکھی (تحفظ) کرے گا۔
اوہناں دا کہنا سی کہ سانوں ایس عزم دا اظہار کرنا اے کہ سندھ طاس معاہدہ برقرار رہے گا، پانی نوں بطور ہتھیار ورتنا علاقائی تے عالمی امن و استحکام نوں نقصان اپڑان دے برابر اے، باہمی رضامندی نال وجود وچ آؤن والے ایس معاہدے وچ تبدیلی اک دوجے دی مرضی (اتفاق رائے) نال ہی ممکن اے۔
عطا تارڑ نے آکھیا کہ سندھ طاس معاہدے دی یکطرفہ معطلی نے بھارت نوں عالمی فورمز تے بے عزتی (سبکی) توں دوچار کیتا، پانی نوں بطور ہتھیار ورتنا علاقائی تے عالمی امن و استحکام نوں نقصان اپڑان دے برابر اے، سانوں پانی نوں رولے (تنازعے) دی بجائے تعاون دا ذریعہ بنانا چاہیدا اے۔
