ملک بھربھر وچ جولائی دے پہلے ہفتے وچ مون سون جھڑیاں (بارشیں) شروع ہون دی پیشگوئی

کراچی: محکمہ موسمیات نے جولائی دے پہلے ہفتے وچ ملک بھر وچ مون سون جھڑیاں (بارشاں) دا سلسلہ شروع ہون دی پیشگوئی کیتی اے۔

محکمہ موسمیات دے مطابق اَج شام یا رات توں لہندیاں (مغربی) ہواواں دا سلسلہ ملک وچ داخل ہون دا امکان اے جیہدے تحت جولائی دے پہلے ہفتے وچ ملک دے وکھو وکھ حصیاں وچ مینہ (بارش) پے سکدا اے۔

محکمہ موسمیات نے دَسیا کہ بحیرہ عرب توں سل والیاں (مرطوب) ہواواں چڑہدے (مشرقی) تے وسطی علاقیاں وچ داخل ہو رہیاں نیں، جدکہ 2 جولائی توں وی سل والیاں ہواواں ملک دے اتلے (بالائی) علاقیاں وچ داخل ہو رہیاں نیں جیہدے پاروں یکم توں 6 جولائی دے دوران ملک دیاں بہتیان تھاواں تے گرج چمک نال مینہ پین دی آس (متوقع) اے۔

محکمہ موسمیات دے مطابق 3 تے 4 جولائی نوں سکھر، جیکب آباد تے لاڑکانہ وچ گرج چمک نال ہلکے مینہ دا امکان اے۔

کراچی دے بارے وچ محکمہ موسمیات نے دَسیا کہ شہر وچ 13 جولائی تک مینہ پین دا کوئی امکان نہیں اے، اگلے 3 دناں دے دوران اسیر (مطلع جزوی ابرآلود) تے موسم حبس والا (مرطوب) رہن دا امکان اے جدکہ ایس دوران کݨیاں (بوندا باندی) پے سکدیاں نیں۔

محکمہ موسمیات دے مطابق کراچی وچ اگلے 3 دن تیز ہواواں وی چلدیاں رہن گئیاں جنہاں دی رفتار 30 توں 40 کلومیٹر فی گھنٹہ ہو سکدی اے۔