وزیراعظم دی پردیسی پاکستانیاں دی بھلائی لئی سکیماں وچ ہور تیزی لیان دی ہدایت

اسلام آباد: وزیراعظم شہباز شریف نے پردیسی (اوورسیز) پاکستانیاں دی بھلائی لئی سکیماں وچ ہور تیزی لیان دی ہدایت کر دتی اے۔

وزیراعظم شہباز شریف نال چیئرمین بورڈ آف گورنرز سید قمر رضا تے مینجنگ ڈائریکٹر اوورسیز پاکستانیز فاؤنڈیشن (OPF) افضال بھٹی نے ملاقات کیتی۔ ایس ملاقات وچ دیسوں باہر (بیرونِ ملک) رہن والے پاکستانیاں دے رولے رپیاں دے حل لئی فاؤنڈیشن دے کمّاں کاراں بارے گل بات ہوئی۔

دیسوں باہر رہن والے پاکستانیاں دی بھلائی تے اوہناں نوں ہور سوکھ (سہولتاں) دین لئی اگلی حکمتِ عملی تے بریفنگ دتی گئی۔

وزیراعظم محمد شہباز شریف نے آکھیا کہ دیسوں باہر وسدے پاکستانی قوم دا قیمتی سرمایہ نیں، اوہ اپنی خون پسینے دی کمائی پاکستان گھل کے زرِ مبادلہ وچ وڈا حصہ پاؤندے نیں۔

اوہناں نے او پی ایف (OPF) دے کماں تے تسلی دا اظہار کردیاں ہویاں ایہنوں ہور بہتر کرن لئی اک پورا پلان بنا کے پیش کرن دی ہدایت کیتی، تے پردیسی پاکستانیاں دی بھلائی لئی چلدے پئے منصوبیاں تے کماں نوں ہور تیز کرن دے حکم وی دتے۔

چیئرمین بورڈ آف گورنرز تے ایم ڈی او پی ایف نے دنیا وچ امن لئی پاکستان دیاں کوششانں تے وزیراعظم نوں ہلاشیری (خراجِ تحسین) دتی۔