71 سال پرانا وراثت دا جھیڑا (تنازع)، سپریم کورٹ دا ماں تے بھیناں نوں جائیداد وچ حصہ دین دا حکم
اسلام آباد: سپریم کورٹ نے 71 سال پرانے وراثت دے جھیڑے (تنازع) وچ ماں تے بھیناں نوں جائیداد وچ حصہ دین دا حکم دے دتا اے۔
سپریم کورٹ دے جسٹس شاہد بلال حسن نے 13 صفحیاں تے لکھیا ہویا فیصلہ تیار کیتا جیہڑا لاہور رجسٹری وچ سُنایا گیا۔ عدالت نے سوانیاں (خواتین) دے وراثت دے حقاں بارے فیصلہ دیندیاں ہوئیاں ہائی کورٹ تے ٹرائل کورٹ دے فیصلے رد (کالعدم) کر دتے تے 71 سالاں بعد بھیناں تے ماں نوں جائیداد وچ حصہ دین دا حکم دتا۔
فیصلے وچ آکھیا گیا اے کہ سوانیاں دے وراثتی حقاں دی راکھی (تحفظ) صرف سرکار (ریاست) دی ذمہ واری نہیں اے، سگوں سول سوسائٹی، علماء، مال مالگذاری دے افسر (ریونیو حکام) تے قانونی ماہرین ایہناں حقاں توں مُکرن (انحراف) نوں ڈکن (روکیں)، وراثت سوانیاں دا شرعی تے قانونی حق اے، اس لئی سوانیاں نوں شرعی تے قانونی حقِ وراثت توں محروم رکھنا آئین تے اسلام دے خلاف (غیر آئینی و غیر اسلامی) اے۔
فیصلے وچ ہور آکھیا گیا اے کہ جھوٹھے تحفے (جعلی ہبہ)، دھوکھے (فراڈ) تے خاندانی دباؤ نال سوانیاں دے وراثتی حق مکائے نہیں جا سکدے، سوانیاں دے وراثتی حقاں دے معاملے تے کچہری (عدلیہ) نوں اکھاں کھلیّاں رکھنیاں (چوکس رہنا) چاہیدیاں نیں۔ 1955 وچ پیو (والد) دے مرن (انتقال) توں بعد 2 بھراواں نے وراثت دی جائیداد اپنے ناں کروا لئی سی تے زبانی ہبے نوں بہانہ بنا کے ماں تے بھیناں نوں جائیداد توں وانجا (محروم) کر دتا سی۔
فیصلے دے مطابق ٹرائل کورٹ، اپیلیٹ کورٹ تے ہائی کورٹ دے فیصلے سچائی (حقائق) تے قانون دے الٹ سن، ہائی کورٹ دے مطابق زبانی ہبے نوں کئی دہاکیاں تیکر چیلنج نہیں کیتا گیا سی پر ریکارڈ دَسدا اے کہ کئی ورھیاں (برس) تیکر ماں تے بھیناں نوں زمین دی کمائی (آمدن) وچوں حصہ ملدا رہیا، جیہدے توں صاف ظاہر ہوندا اے کہ ماں تے بھیناں نوں اس ہبے توں بے خبر (لاعلم) رکھیا گیا سی۔
