دنیا دا اگلا سب توں وڈا قتلِ عام بھارت وچ ہوݨ دا ڈر

راولپنڈی: میڈیا انفلوئنسرز دے نال اعلٰے سکیورٹی عہدیدار دی بھارت دے موضوع تے اہم نشست ہوئی، بھارت اپنے اندرونی مسئلیاں توں دھیان ہٹاوݨ لئی پورے خطے بالخصوص پاکستان وچ عدم استحکام پھیلاوݨ تے لگا ہویا اے۔

سکیورٹی ذرائع دا کہݨا اے کہ بھارتی قیادت زمینی حقیقتوں نوں منݨ توں جھکدی اے، بھارت اک ہندوتوا زدہ ناکام ریاست اے پر ایہنوں اپنے آپ نوں وڈا وکھاوݨ دی عادت ہو چکی اے، بھارتی ریاست دی ناکامی دیاں وجہاں ودھدی ہوئی عدم برداشت تے مذہبی شدت پسندی اے۔

سکیورٹی ذرائع دے مطابق اکھنڈ بھارت دا غیر حقیقی خواب اوہدے توسیع پسندانہ عزائم دی عکاسی کردا اے، ہندوتوا نظریہ نے بھارت دے سیکولر چہرے نوں مسخ کر دتا اے، بھارت دی فوج بی جے پی دی متشدد تے مذہبی سیاست دی نذر ہو چکی اے۔

سکیورٹی ذرائع نے بتایا کہ ونڈے ہوئے (تقسیم شدہ) معاشرے دی موجودگی وچ بھارت دے شائنگ انڈیا ہوݨ دا نعرہ محض اک ڈھکوسلا اے، بھارت دی ریاست درحقیقت اک پولیس سٹیٹ دا نام اے جس وچ آزادیِ رائے تے فریڈم آف پریس ریاستی کنٹرول وچ رکھیا جاندا اے۔