محسن نقوی دا پاک سعودیہ برادرانہ تعلقات نوں ہور مضبوط بناون دے عزم دا اعادہ۔
جدہ: وفاقی وزیر داخلہ محسن نقوی نے مکہ ریجن دے قائم مقام گورنر شہزادہ سعود بن مشعل بن عبدالعزیز نال ملاقات کیتی۔
گورنر جدہ شہزادہ سعود بن عبداللہ بن جلوی، گورنر طائف شہزادہ سعود بن نہار بن سعود تے شاہی خاندان دیاں معزز شخصیتاں وی ایس موقعے تے موجود سن۔
وفاقی وزیر داخلہ محسن نقوی نے پاک سعودیہ تاریخی تے برادرانہ تعلقات نوں ہور مضبوط بناون دے عزم دا اعادہ کیتا تے عمرہ و حج لئی بہترین انتظامات تے قائم مقام گورنر مکہ ریجن دا خاص طور تے شکریہ ادا کیتا۔
سعودی گورنر نے پاکستان نال تعلقات نوں انتہائی اہمیت دین تے ہر ممکن تعاون دا اعادہ کیتا۔
قائم مقام گورنر مکہ ریجن نے پی سی بی تے سعودی عرب کرکٹ فیڈریشن دے معاہدے نوں خوش آئند قرار دتا تے جدہ وچ پہلے بین الاقوامی معیار دے سٹیڈیم بناون دے فیصلے نوں سراہیا۔
سعودی گورنر نے اپنے ریجن وچ سٹیڈیم دی تعمیر لئی پی سی بی نال بھرپور تعاون دا اظہار کیتا۔
