آزاد کشمیر صورتحال تے فضل الرحمن دی ثالثی دا خیرمقدم: خواجہ آصف
سلام آباد (مانیٹرنگ ڈیسک) وزیرِ دفاع خواجہ آصف نے آکھیا اے کہ وہ آزاد کشمیر وچ جاری کشیدگی چوں نکلن دے حامی نیں، مولانا فضل الرحمن جے بات چیت کردے نیں تے کوئی لائحہ عمل کڈھدے نیں تاں ایہہ چنگی گل ہووے گی۔ مولانا فضل الرحمن دی ثالثی بارے اسمبلی دے فلور تے بیان دے چکا واں، اوہ ثالثی لئی جو کردار ادا کرن گے اوہنوں خوش آمدید کہواں گا، تمام فریق جے اتفاق کر لیندے نیں تاں میں وی حامی بھراں گا۔ پاکستان وچ موجود کشمیری مہاجرین دیاں بے شمار قربانیاں نیں، اوہناں نوں سیٹاں توں محروم کرنا ٹھیک عمل نہیں اے۔
اپنے اک بیان وچ خواجہ آصف نے مزید آکھیا کہ اوہ کشمیریاں نوں 3 حوالیاں توں جاندے نیں؛ اک اوہ کشمیری جیہڑے 75 سال توں مقبوضہ کشمیر وچ قربانیاں دے رہے نیں تے ایہہ قربانیاں کسے بھی آزادی دی تحریک وچ سب توں ودھ نیں، دوجے نمبر تے اوہ لوگ نیں جنہاں نے تقسیم دے ویلے ہجرت کیتی، مقبوضہ کشمیر دیاں جیلاں توں بعد ہجرت کرن والے قربانی وچ دوجے نمبر تے نیں، انہاں قربانی دین والے مہاجرین دی سیٹاں نوں متنازعہ بنایا جا رہا اے۔
خواجہ آصف نے آکھیا کہ تیجی کیٹگری وچ آزاد کشمیر دے رہن والے نیں تے اوہناں دی اپنی شناخت تے قربانیاں نیں، پہلی دو کیٹگریز وچ قربانیاں دین والے کشمیریاں نوں نظر انداز نہیں کیتا جا سکدا۔ وزیرِ دفاع نے آکھیا کہ بھارتی پنجاب توں ساڈے ہاں لاکھوں لوگ آئے تے قربانیاں دتیاں، پنجاب وچ وی مہاجرین نوں مجھ تے فوقیت اے، میرا خاندان تے آباؤ اجداد سیالکوٹ وچ سن، قربانیاں دین والے مہاجر ایتھے آئے، سانوں بیٹھے بٹھائے آزادی ملی پر جیہڑے مہاجرین آئے اوہناں نے قربانیاں دتیاں، جو مقبوضہ کشمیر وچ قربانیاں یا وادی وچ جنگ لڑ رہے نیں اوہناں دا استحقاق زیادہ اے۔ میرا نقطۂ نظر اے کہ 1947 توں بعد جتنیاں قربانیاں مقبوضہ کشمیر وچ دتیاں گئیاں اتنیاں ایتھے نہیں دتیاں گئیاں، موجودہ آزاد کشمیر دے رہن والیاں نوں گھر بیٹھے آزادی ملی۔
