فیلڈ مارشل عاصم منیر ایران اپڑ گئے، آیت اللہ خامنہ ای دے جنازے وچ شریک ہوون گے۔
چیف آف ڈیفنس فورسز فیلڈ مارشل عاصم منیر شہید آیت اللہ علی خامنہ ای دے جنازے وچ شرکت کرن گے۔
فیلڈ مارشل عاصم منیر دا ایران اپڑن تے سینئر ایرانی حکام نے استقبال کیتا، چیف آف ڈیفنس فورسز سید عاصم منیر کل آیت اللہ خامنہ ای دے جنازے وچ شریک ہوون گے۔
شہید آیت اللہ علی خامنہ ای دی نمازِ جنازہ لئی انتظام، جسدِ خاکی امام خمینی حسینیہ منتقل کیتا گیا۔
وزیراعظم شہباز شریف وی کابینہ دے اہم ارکان دے نال ایران اپڑ چکے نیں جبکہ چیئرمین سینیٹ یوسف رضا گیلانی تے گورنر خیبر پختونخوا فیصل کریم کنڈی وی شہید ایرانی سپریم لیڈر دے جنازے وچ شریک ہوون گے۔
یاد رہے کہ امریکا تے اسرائیل نے 28 فروری 2026 نوں تہران وچ حملہ کر کے آیت اللہ خامنہ ای دے کمپاؤنڈ نوں تباہ کر دتا سی جس دے نتیجے وچ ایرانی سپریم لیڈر ہور اہم شخصیتاں دے نال شہید ہو گئے سن۔
