“وزیراعظم تے فیلڈ مارشل اج کوئٹہ جان گے”
شہباز شریف امن و امان تے ایپکس کمیٹی دے اجلاسوں دی صدارت کرن گے، وزیراعظم نوں سکیورٹی صورتحال تے بریفنگ دتی جائے گی، اہم فیصلے کیتے جان گے
کوئٹہ: وزیراعظم شہباز شریف تے فیلڈ مارشل عاصم منیر اک روزہ دورے تے اج کوئٹہ جان گے، وزیراعظم کوئٹہ وچ امن و امان دے بارے اعلیٰ پدھر (سطح) دے اجلاس دی صدارت کرن گے، جدکہ اونہاں دی صدارت وچ صوبائی ایپکس کمیٹی دا وی اجلاس ہوئے گا۔ اجلاس وچ متعلقہ حکام وزیراعظم نوں سکیورٹی صورتحال تے بریفنگ دین گے۔ بلوچستان وچ امن و امان دی صورتحال تے نیشنل ایکشن پلان تے عملدرآمد دا جائزہ لیا جائے گا، جدکہ بلوچستان دے حوالے نال اہم فیصلے کیتے جان گے۔ اجلاس وچ وزیراعلیٰ بلوچستان تے وفاقی وزیر وی شریک ہون گے۔
