پاکستان تے ایران ہر موقعے تے مُڈھے نال مُڈھا لا کے کھڑے ہوندے نیں، پاکستان دی حمایت کدی فراموش نہیں کراں گے: ایرانی صدر

ایرانی صدر مسعود پزشکیان نے وزیراعظم شہباز شریف نوں شہید علی خامنہ ای دے تعزیتی اکٹھ وچ شرکت کرن تے خراج تحسین پیش کیتا۔

ایرانی صدر مسعود پزشکیان نے سوشل میڈیا تے جاری پیغام وچ لکھیا کہ عزیز بھرا شہباز شریف تے پاکستانی وفد دے تعزیتی اکٹھ وچ شرکت کرن تے شکر گزار واں، پاکستانی حکومت تے عوام دی دلی ہمدردی، اظہارِ تعزیت تے وی تہہ دل توں شکر گزار واں۔

ایرانی صدر نے آکھیا اسیں پاکستان دی ایس حمایت نوں کدی نہیں بھلاواں گے، ایران تے پاکستان دے عوام نے ہمیشہ اک دوجے دے دکھ سکھ ونڈے نیں، دوہاں ملکاں دے عوام، بھائی چارے تے یکجہتی دے نال موڈھے نال موڈھا جوڑ کے کھڑے رہے نیں client۔

ایرانی صدر نے آکھیا امید اے دوہاں ملکاں وچالے باہمی تعلقات ہور ودھن گے تے پہلے توں ودھ مضبوط ہون گے۔

ایرانی صدر نے دَسیا کہ شہید ایرانی سپریم لیڈر ہمیشہ پاکستان دی حکومت تے عوام لئی نیک جذبات رکھدے سن، شہید ایرانی سپریم لیڈر سانجھیاں ثقافتی قدیراں نوں دوہاں قوماں دا قیمتی سرمایہ قرار دیندے سن۔