“سینیٹ کمیٹی دا مزار قائد تیکر اپڑن وچ رکاوٹاں تے چنتا (تشویش) دا اظہار”
پانی، بجلی دی فراہمی یقینی، مزار دی حفاظت لئی سکیورٹی کیمرے لائے جان؛ مزارِ قائد قوم دا فخر تے پچھان اے، لوکاں نوں بنا کسے روک ٹوک دے اپڑن دا موقع ملنا چاہیدا اے، سینیٹر وقار
اسلام آباد: سینیٹ دی قومی ورثہ تے ثقافت دی ذیلی کمیٹی دا اجلاس سینیٹر سید وقار مہدی دی صدارت وچ ہویا، ارکان نے ایس گل تے تگڑی چنتا (تشویش) دا اظہار کیتا کہ مزارِ قائد تے لوکاں دے اپڑن وچ رکاوٹاں گبھروآں (نوجواناں) نوں اوہناں دے قومی جذبات توں دور کر رہیاں نیں۔ سینیٹر وقار مہدی نے آکھیا کہ مزارِ قائد صرف اک تریخی عمارت نہیں بلکہ پوری قوم دا فخر تے پچھان اے، لوکاں نوں ایس پاک جگہ تیکر بنا کسے روک ٹوک دے جان دی اجازت ہونی چاہیدی اے، مزار عام لوکاں لئی کھلا ہونا چاہیدا اے تاں جے نویں پیڑھی (نسل) اپنے قائد دے نیڑے جا سکے تے اپنی تریخ تے رہتل (ثقافت) نال جڑ سکے۔
کمیٹی نے مزار تے پانی تے بجلی دی فراہمی نوں یقینی بنان تے سکیورٹی کیمرے لان دی ہدایت کیتی تے آکھیا کہ مزارِ قائد دی دیکھ بھال تے بچاؤ لئی وقتی کماں دی بجائے اک پوری تے لمبے چر (طویل مدتی) دی سدھار پالیسی بنائی جانی چاہیدی اے۔
