امریکا نے جرمنی نوں ٹوماہاک میزائل ویچن دی منظوری دے دتی
امریکا نے جرمنی نوں ٹومہاک میزائل ویچن دی منظوری دے دتی اے۔
جرمن چانسلر دا کہنا سی کہ انقرہ وچ نیٹو اجلاس امید توں ودھ نتیجہ خیز رہا، اجلاس دے دوران سائیڈ لائن ملاقات وچ امریکا نال اتفاق کیتا کہ امریکی ٹومہاک (Tomahawk) میزائل اسیں خریداں گے تے اوہناں نوں جرمنی وچ تعینات کیتا جائے گا۔
جرمن چانسلر دا کہنا سی کہ دفاعی صلاحیت وچ اہم اسٹریٹجک خلا نوں پُر کر رہے آں، جد کہ ایہدے نال نال یورپی نظام تیار کرن تے اوہناں نوں یورپ وچ تعینات کرن لئی وی کم جاری رکھے ہوئے آں۔
غیر ملکی میڈیا دے مطابق جرمن حکومتی ذراائع دا دَسنا اے کہ امریکا نے منگل دے دن دستخط کیتے گئے اک لیٹر آف انٹینٹ وچ جرمنی نوں ایہ یقین دہانی کرائی اے کہ اوہنوں اگست وچ ٹومہاک میزائلیاں تے اوہناں دے زمینی ٹائیفون لانچرز دی خریداری دی منظوری دتی جائے گی۔
رپورٹ دے مطابق جرمنی کِنے میزائل تے لانچرز خریدن دا ارادہ رکھدا اے، ایہدی تفصیل ساہمنے نہیں لیائی گئی کیونجے ایہ معلومات خفیہ قرار دتی گئی اے۔
