حیدر آباد: بی آئی ایس پی دیاں مستحق سوانیاں توں فی قسط 2 ہزار روپے کٹن والے 8 ڈیوائس ہولڈرز گرفتار

حیدرآباد وچ بینظیر انکم سپورٹ پروگرام دیاں مستحق سوانیاں توں فی قسط 2 ہزار روپے کٹن والے 8 ڈیوائس ہولڈرز گرفتار کر لئے گئے۔

وفاقی تحقیقاتی ادارے (ایف آئی اے) نے حیدرآباد دے علاقے لطیف آباد دے بی آئی ایس پی سینٹر تے کارروائی کیتی جتھے ڈیوائس ہولڈر بی آئی ایس پی دیاں مستحق سوانیاں دی فی قسط وچوں 1500 توں 2000 روپے تیکر غیر قانونی طور تے کٹ رہے سن۔

ایف آئی اے حکام دا دَسنا اے کہ کارروائی دے دوران 8 ڈیوائس ہولڈرز نوں گرفتار کر کے بائیو میٹرک ڈیوائسز تے 13 لکھ 86 ہزار روپے توں ودھ دی رقم سمیت اہم ریکارڈ برآمد کر کے قبضے وچ لے لیا گیا۔

ایف آئی اے حکام دے مطابق گرفتار ملزمان دے خلاف مقدمہ درج کر لیا گیا اے جیہناں دی نشاندہی تے ہور ملزمان دے خلاف کارروائی کیتی جا رہی اے۔