کراچی دے نیڑے حادثے دا شکار نجی کارگو جہاز (طیارے) دے ہور پرزے تے ملبہ ڈونگھے (گہرے) سمندر توں لبھ لیا (برآمد کر لیا) گیا اے۔
کراچی دے نیڑے نجی کارگو جہاز (طیارے) دے حادثے توں بعد سرچ اینڈ ریسکیو آپریشن اوداں ہی جاری اے تے سمندر توں جہاز دا ہور ملبہ لبھ لیا (برآمد کر لیا) گیا اے۔
پاکستان ائیرپورٹس اتھارٹی دے مطابق بلیک باکس تے عملے دے پنجاں لاپتا ممبراں (ارکان) دی بھال (تلاش) لئی ہوائی تے بحری وسائل بھرپور طریقے نال استعمال کیتے جا رہے نیں.
ترجمان نے دسیا کہ لبھن والا (برآمد ہون والا) ملبہ ہور تکنیکی تے فارنزک تجزیے لئی بیورو آف ائیرکرافٹ سیفٹی انویسٹیگیشن دی تحقیقاتی ٹیم دے حوالے کر دتا گیا اے تاں جے حادثے دیاں وجہاں دا پتہ لایا (تعین کیتا) جا سکے۔
ذرائع دے مطابق ہلے تیکر جہاز دے بلیک باکس تے عملے دے پنجاں لاپتا ممبراں دی بھال جاری اے، ایس مقصد لئی پاک بحریہ تے پاکستان میری ٹائم سکیورٹی ایجنسی سانجھے (مشترکہ) طور تے سرچ اینڈ ریسکیو آپریشن وچ مصروف نیں۔
ترجمان پی اے اے دے مطابق ڈونگھے (گہرے) سمندر وچ جدید ہوائی تے بحری وسائل دی مدد نال وڈے پدھر (وسیع پیمانے) تے بھال دا کم جاری اے، تاں جے بلیک باکس تے لاپتا عملے دا سراغ لایا جا سکے۔
حکام دا کہنا اے کہ سرچ اینڈ ریسکیو ٹیماں لگا تار وکھو وکھ تھاواں (مقامات) تے کارروائیاں کر رہیاں نیں تے ہر ممکن وسائل ورتوں وچ لیائے جا رہے نیں، تحقیقات بھی نالوں نال (بیک وقت) اگے ودھ رہیاں نیں۔
ترجمان دے مطابق جیویں ہی کوئی اہم پیش رفت ساہمنے آوے گی، عوام تے میڈیا نوں ویلے سر (بروقت) دَس دتا (آگاہ کیتا) جاوے گا۔
