کورونا وائرس نال انتقال کرن والیاں نوں تابوت وچ رکھ کے دفنان دی شرط ختم
لہور: ذرائع دے مطابق کورونا نال جاں بحق بندیاں دے ورثا غسل، جنازے تے تدفین وچ شامل ہو سکن گے جد کہ میت نوں تابوت وچ رکھ کے دفنان دی شرط ختم کر دتی گئی اے۔ تفصیل دے مطابق کورونا وائرس نال انتقال کرن والیاں دی تدفین دے معاملہ تے سرکار نے ایس او پیز وچ نرمی دا فیصلہ کردیاں اپنی سفارشات این سی او سی نوں گھل دتیاں نیں۔ پنجاب حکومت ولوں گھلی گئی سفارشات وچ آکھیا گیا اے ایس ویلے انتقال کرن والیاں دی تدفین تابوت وچ رکھ کے کیتی جا رہی اے، ہن میت نوں پلاسٹک وچ کور کیتا جائے گا۔ ایہدے علاوہ اہل خانہ تے رشتہ دار وی نماز جنازہ وچ شریک ہو سکن گے جد کہ میت نوں موڈھا وی دتا جا سکے گا۔ غسل لئی حفاظتی لباس دا استعمال کیتا جائے گا۔ ایس او پیز دے تحت میت نوں ہتھ لاؤن دی اجازت نہیں ہووے گی۔ ورثاء اپنے پیاریاں دا چہرہ ویکھ سکن گے۔ خاندان دے بندے میت نوں غسل دے سکن گے۔
