پشاور: گردہ ہسپتال وچ مریض بچے نوں 4 سال بعد دی تاریخ
پشاور (دنیا نیوز، مانیٹرنگ ڈیسک) خیبر پختونخوا دے واحد امراضِ گردہ دے ہسپتال “انسٹیٹیوٹ آف کڈنی ڈیزیز” وچ مریض بچے نوں 4 سال بعد دی تاریخ دین دا انکشاف ہویا اے۔
ڈاکٹر دے تجویز کیتے گئے نسخے وچ مریض بچے نوں 13 نومبر 2030 دی تاریخ دتی گئی اے، کوہاٹ نال تعلق رکھن والے یاسر ناں دے بچے نوں گردے دے مرض پاروں ہسپتال لیایا گیا سی، مریض بچے دی تشخیص توں بعد اگلی تاریخ 4 سال بعد دی دے دتی گئی۔
ہسپتال دے ذرائع دے مطابق ہسپتال دے چلڈرن یورالوجی وارڈ وچ صرف اک ممبر فیکلٹی موجود اے، عملے دی کمی پاروں آپریشن لئی لمیاں تاریخاں دتیاں جا رہیاں نے۔ مریض بچے دے ماپیاں (والدین) نے حکومت توں ایس صورتحال دا نوٹس لین دا مطالبہ کیتا اے۔
